2011.01.02禮拜日-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,543,993 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2011.01.01禮拜六《前一篇

後一篇》 2011.01.03禮拜一

回應

給他日記貼紙

給他愛的鼓勵

檢舉

篇名: 2011.01.02禮拜日
作者: C	日期: 2011.01.02　　天氣: 　心情:

今仔日是新年第二日，一月初二，禮拜日。
透早出去買早頓，真久無去的彼間"早安美芝城"。
原本兩人做，不知何時改做三個人，原先一位較水的無做，換兩位新人。

全家時早頓時，就一直討論敢欲轉去舊厝；一方面收厝稅，一方面看便所問題暗怎解決。
講著便所，就是舊年十一月二七，日記所寫的彼間。
舊厝門腳口擔仔位攏講化糞池來抽過，無幾日擱滿出來。
這就真奇怪，伊逐個擔仔決定欲傳一個流動廁所來排咧予人客用。

厝內面大人講想著這就悻，無想欲去，厝稅後禮拜才收嘛無要緊。
但是問題嘛是愛解決，予伊擔仔位先借別位，先參詳看覓咧才講。
拖咧拖咧擱過中晝，只好無去。

下晡阿姐來講想欲招去看高雄市駁二藝術特區三D魔幻藝術展覽。
這兩日我原本就真想欲去，只是畏出門。
先載去接伊囝仔下課，厝內面大人講欲便所一下。
取伊去加油站，出來煞面色變變。

一開始車擱走無著所在，厝內面大人講話無偌客氣，感覺會出阿姐攏儘量笑笑。
到展覽場外面，看兩堆人排真長，
掛電話予阿兄，伊講太濟人無欲看，
厝內面大人提錢予我，煞講慢且去排隊。
我感覺真奇怪，一方面叫我買票，一方面擱叫我慢且買。
我是想先排，等阿姐車停好過來，大家作伙入去較省時間。

結果真無簡單欲輪著我，厝內面大人煞叫我免排，
因為買好票，擱愛排另外彼排。伊講無法度企這久。
另外因為雨傘、拐仔攏未使提入去，就算買到票嘛未使入場。
奇怪，按爾展覽敢不是歧視老大人和身障者？

掛電話予阿姐，伊已經停好車欲行來，只好擱轉去開車來載。
越去附近真愛碼頭行行咧，
講著真愛碼頭，擱想著有一冬全家來這，取彼位無緣的代誌。
不知是故意未記，抑是無擱想起，
風景猶原在，只是無以早彼款感慨。

全家轉來到厝了後，我煞感覺真悿，倒在按摩椅頂睏去。

厝內面大人今仔日日時看著我，講我是不是無爽快，哪會一個阿片面？
阿片面？著！阿片面，講了形容得真好，我嘛是感覺今仔日我攏一副阿片面啦。

明仔日愛早起，愛去廚房點貨，愛早睏。

標籤:

瀏覽次數:250 人氣指數:2270 累積鼓勵:101

切換閱讀模式

回應

給他日記貼紙

給他愛的鼓勵

檢舉