2024.10.27-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,542,827 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.10.19 《前一篇

後一篇》 2024.11.2

回應

給他日記貼紙

給他愛的鼓勵

檢舉

篇名: 2024.10.27
作者: C	日期: 2024.10.27　　天氣: 　心情:

今仔日是十月二七，禮拜日，我佇路易莎摸非。
昨昏佇新厝蹛，
透早佮囡仔出去，伊騎車，我陪伊行。行甲規身軀汗。
總好過予伊看手機仔。
昨昏去旗山耍。
囡仔第一擺食剉冰，佇火車站第一擺體驗VR實境，誠心適。
下晡落雨，我沃雨去買一枝399，足貴的雨傘，結果買了，雨就停矣。
才知影凡事愛沉穩，莫急欲做決定。

拜五知影一件代誌：產品拜一送件出去。
結果品質表現太差，去予對方列為拒絕往來戶。
公司高層相當無面子，決定明年三工的巡迴發表取消，
三工攏愛留佇廠裡維修。
也就是講我這兩年一期的向望破消。
這哪有公平？

現此時客戶無相信專業，無予阮這徒該有的專業尊重佮配合。
磕袂著就投訴，產品閣較差嘛愛趕上市
無退貨的機制。公司這兩冬閣收幾件別間無愛的漚貨底。
反正攏推捒予各廠家己做，做了無改善，嘛無欲支持改善的權限
其中彼位少年阿妹仔頭一冬拄來，就接這號屎缺，這馬已經壓力大到去看身心科請長假矣

昨昏，車頂佮太太討論。講著躁鬱症的議題。
伊一直感覺親情內底的案例，是因為家己自私無顧父母，才會按呢。
抑是講伊大姊同事就是袂曉想，無生活重心才會按呢。
抑是講家己袂曉想，無意志力去克服解決問題。
我感覺毋是。
因為知影有誠濟人是病理引起，家己無法度控制，抑是無意識著問題。
這需要醫生藥物，毋是一句靠家己意志力就會使推捒離離的。
按呢就是風涼話。

我嘛是想著家己。
佇車禍了空亡彼六冬，我根本無意識著啥物。
以早台北醫檢師捌建議我去看身心科，我先忍落來，
我是靠意志力無毋著，
閣過來十冬前的事件嘛是閣忍過來。
但是這十外冬來若無是換工課，恐驚嘛無法度這順利度過。

既然索仔有結解袂開，就規氣莫敨矣。
每一个結，攏變做一段坎坷，迒過就好。

過這呢久，猶未收著著獎通知，我想今年比賽可能摃龜矣。
毋過，我感覺今年寫了，彼舊年較好......

標籤:

瀏覽次數:54 人氣指數:74 累積鼓勵:1

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：