2022.11.5-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,545,442 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.11.02 《前一篇

後一篇》 2022.11.6

回應

給他日記貼紙

給他愛的鼓勵

檢舉

篇名: 2022.11.5
作者: C	日期: 2022.11.05　　天氣: 　心情:

今仔日是十一月初五，禮拜六。我佇葛雷多摸非。
昨暗囡仔舊曆生日買雞卵糕，伊揀一个蜂仔型的古錐雞卵糕。
阿兄送伊幾粒玻璃珠仔，真媠。囡仔誠佮意。
阿兄嘛予我佮阿爸一粒火戛仔，是金條型的鎖匙圈仔。

昨暗太太講囡仔噗噗嚕畢業矣，後一期就閣較深。
聽伊講老師凊彩彈一個和絃，囡仔就會曉隨綴咧彈，音閣真準。
吼~毋知阮囝閣遮摮啦
伊若愛音樂就好啦，看會較乖未。

昨昏產品檢驗了無啥好。
平常時攏散散，疫情予品質愈差
看了後欲按怎予閣較加強？
無就像大巨蛋仝款，調整數字予過關。
橫直以後產品佇這部份會用著的誠少。
咱就予穩定就好。
就親像囡仔，愛音樂就好，袂曉彈琴，抑是彈了無好嘛無要緊。

我檢討起來是我無好好做工夫。
假使疫情時我若好好佇線頂加強設備
我就是貧惰拍字、貧惰整理資料
才會予產品內裝無夠疊實。

因為這站仔攏心肝浮浮，
也欲想草仔按怎剪，也欲想囡仔生日、考彈琴檢定、也欲想公司交代東交代西
也欲想產品檢驗進度，重要是一直拍電動。

前幾日為著囡仔影片衝揤讚的量，
揣出以前的版，看著以前的代誌，
會想起較早少年時種種，
彼是袂記誠久，毋知是佗一段的過去。

享受著這馬單純的快樂，本只是想欲袂記彼段不堪的過往
猶未拍電動以前，我嘛捌是一號人物
寄跡江湖、遠遁草莽、毋管是位開心農場、水族箱等等系列開始
到我的傳奇，到大皇帝，一直到這馬的野球
我的人生十外冬就按呢烏有去矣。

彼當時若共遮的時間用佇有路用的所在
毋管學東學西，這馬犯勢嘛毋但按呢爾。

前幾日提寫的稿予洪老大，伊看了問敢會當提去用，伊欲提來考試用
我講無要緊
伊嘛是較大我的歲，伊猶閣想欲更上一層樓。學姊嘛是。
猶閣有，前幾日揣黃大哥填資料，看伊咧彈琴....
我攏猶佇低階層遮咧拍翸。

這馬生活穩定、有錢通用，
褲袋仔不時有兩包仔薰，賴打帶兩粒
有銀角仔通買涼的
手機仔紮咧，看影片、拍電動。
逐工暗時陪囝若弄孫咧

我按呢過就好矣。

標籤:

瀏覽次數:177 人氣指數:177 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：